devaller

Devaller, C'est descendre, avaller et mener en bas, et tantost est actif Demittere deorsum. Au 3. livre d'Amad. cha. 6. Elle leur fut querir un flascon de vin, et de l'eau, et en le leur devallant, etc. Tantost est neutre, comme au mesmes chap. nous sommes devallées plus bas que ne pensions, Descendimus. Ce mot est ordinaire et commun au Languedoc, Provençal, et nations adjacentes, mais au François ne l'est pas tant. On ne peut bonnement dire qu'il soit composé de ces deux dictions, Des, et val, veu que cette diction Des, desfait en composition la proprieté du mot auquel elle se couple, luy apportant signification contraire, comme se voit en Desmonter, Deffaire, Debouter, Derrider, et semblables, ne moins de De, comme renforçant la signification de cette diction val. Ains de De signifiant mouvance de lieu en autre, comme si on disoit de haut mettre à val, Deorsum mittere.

Descendre et devaller au fond, Sidere.

Devaller du vin en la cave, Deprimere vinum in cellam vinariam.

Thresor de la langue françoyse. Jean Nicot.